په بلخ کې د دوو روغتونو د ودانيو د جوړولو کار پيل شو

مزارشريف  باختر دسلواغې ٢٩ نيټه :
د بلخ  ولايت په بلخ  او چاربولک ولسواليو کې د ٥٠  بستريز او٣٠ بستريز روغتونونو د جوړولو کار پيل شو.
د بلخ  د عامې روغتيا ريېس ډاکټر ميرويس ربيع  د باختر آژانس خبريال ته وويل  چې، په بلخ ولسوالۍ کې د يوه پنځوس بستريز روغتون  ودانۍ او د بلخ ولايت  په چهاربولک ولسوالۍ کې د ديرش بستريز روغتون ودانۍ  د يو ميليون درې سوه پنځوس زرو امريکايي ډالروپه لګښت  د عامې روغتيا وزارت له بودجې څخه په يوه پوړ کې په پاخه او اساسي ډول جوړيږي.
ده زياته کړه  ؛ د دغې اوونۍ په پاى کې  لس نورې روغتيايي پروژې هم د دغه ولايت په پنځو ولسواليو کې افتتاح کېږي.
د بلخ د عامې روغتيا ريېس وويل ؛ يوه لسيزه کېږي چې د بلخ  ولايت اوسيدونکو ښو روغتيايي خدمتونو ته لاسرسۍ پيدا کړى  او دغه  رياست هلې ځلې کوي،  ترڅو د درملنې  ښه کيفيت ، د درملو د ښه کيفيت  او د روغتيايي خدمتونو په برخه کې د خلکو  قناعت  ترلاسه کړي. پاى ذکرالله