خبرونهامنیت

د هېواد په ۷ ولایتونو کې ۲۲ تنه د نشه یي توکو د قاچاق او پلور په تور ونیول شول

کابل، د مرغومې ۳مه، باختر

د کورنیو چارو وزارت په یوه خپره شوې خبرپاڼه کې ویلي، چې د نشه يي توکو پر وړاندې د مبارزې پوليسو ۲۲ تنه د نشه يي توکو د پلور او قاچاق په تور نیولي دي.

په خبرپاڼه کې راغلي، چې د نشه يي توکو پر وړاندې د مبارزې پوليسو ۲۲ تنه د ننګرهار، هرات، بغلان، پکتيکا، سرپل، فارياب او فراه ولايتونو کې د بېلابېلو عملياتو په لړ کې د نشه يي توکو د قاچاق او پلور په تور نیولي او دغه راز یې په فراه کې ۳ جريبه ځمکه د کوکنارو له کښت څخه هم پاکه کړې ده.

په خبرپاڼه کې زیاته شوې، چې ۷ تنه له ننګرهار، ۹ تنه له هرات، ۳ تنه له بغلان، ۱ تن  له پکتيکا او ۲ تنه نور په سرپل او فارياب کې نیول شوي دي.

لمر

 

دوام

ورته لیکنې

دکمه بازگشت به بالا