سیاستخبرونهامنیت

د پنجشېر د ۷ ولسوالیو لپاره نوي امنیې قومندانان او ولسوالان معرفي شول

کابل، د لېندۍ ۹مه، باختر

د پنجشېر د ۷ ولسوالیو لپاره نویو امنیه قوماندانانو او ولسوالانو نن د یوې غونډې په ترڅ کې رسماً خپلې دندې پیل کړې.

د باختر آژانس د خبر له مخې؛ په همدې موخه جوړه شوې غونډه کې د پنجشېر والي محمد محسن هاشمي وويل، چې په اسلامي امارت کې اطاعت اساسي اصل دی.

مولوي هاشمي په خپلو خبرو کې د پخوانيو ولسوالانو او امنیه قومندانانو د کارونو ستاينه وکړه او نويو مسوولينو ته يې د برياليتوب دعا وکړه او ټینګار یې وکړ، چې په خپلو چارو دقت او په پوره همغږۍ خپلې چارې مخته یوسي.

ورپسې د کورنيو چارو وزارت د تشکيل او تطبيق رئیس مولوي محمد حنیف ملنګ وویل، چې اوس په ټول پنجشېر کې امنیت تأمین شوی او  د اسلامي امارت مشرتابه هڅه کوي، چې د هېواد د نورو ولایتونو ترڅنګ د پنجشېر د خلکو امنیت هم تأمین کړي.

لمر

 

دوام

ورته لیکنې

دکمه بازگشت به بالا