دبدخشان ولايت دتګاب ولسوالۍ دکلينيک ودانۍ جوړه شوه .

-کابل باختر د لړم اوومه :
دبدخشان ولايت  دتګاب ولسوالۍ دروغتيايي کلينيک دبيا جوړلو کار پاى ته ورسيد .
  دبدخشان دوالي وياند نيک محمد نظري  دباختراژانس خبريال ته وويل  دغه کلينيک ته  تيرکال  دطالبانو له خوا اور اچول شوي و .  چې دبيا رغاونې دبرخې  دجي اي زيت  له بودجې څخه دنهه ويشتو مليونو افغانيو په لګښت  بيا جوړ او ګټې اخستنې ته وسپارل شو .
  ده وويل   ددغه کلينيک  په بيا جوړيدو سره  دتګاب ولسوالۍ   اووه ويشتو زرو  تنو اوسيدونکو  په وړيا ډول په روغتيايي خدمتونو برلاسى  پيداکړ .
   دتګاب ولسوال  مير احمد شاه ضيغم  وايي  چې  دوسله والو طالبانو له خوا دغه روغتيايي کلينيک ته په اور اچولو سره  خلک  له زياتو ستونزو سره  لاس او ګريوان و ، او خپل ناروغان يې  دعلاج او درملنې لپاره ګاوڼديو ولسواليو او يا  نورو ولايتونو ته ليږدول  او  زياتره  اميد وارې  ميرمنې  له  ستونزو سره  مخامخې وې .
په دې کلنييک  کې نهه تنه  ډاکتران او نور روغتيايي کارکوونکي فعاليت کوي .