فراه باختردتلې دمياشتې ٨ نيټه :
په فراه ولايت کې پرون اووه ويشت تنه وسله وال ډار اچوونکي ووژل شول.
د کوماندو د ځواکونو وياند احمد جاويد سليم باختر آژانس ته وويل: دغه ډار اچوونکي د ملي اردو د خاصوعملياتو د څلورم کنډک د ځواکونو له خوا په ګډو عملياتوکې د فراه ولايت د کنسک د کلي په مربوطاتوکې ووژل شول.
سليم زياته کړه: په دغو عملياتوکې د دښمن ١٢ سراچه موټرونه له منځه وړل شوي، درې ميله پيکا، دوه توغندي، پنځه کلاشينکوفونه، يوه آرپيکه، يو ميل ام _ ١٦، يو دوربين، پنځه آيکم مخابرې ، يوه ثقيله (اس، پي ، جي _ ٩ ) وسله هم د ملي اردو د ځواکونو لاسته ورغلي دي.
پاى ذکرالله
2 د یوې دقیقې څخه لږ