خبرونهټولنه

د کابل په قلعه عبدالعلي سیمه کې د کوڅو کانګریټ کولو چارې پیل شوې

کابل، د لېندۍ ۶مه، باختر

ښاري او چاپیریالي آسانتیاو ته د لاسرسي په موخه د څوارلسمې ناحیې اړوند د قلعه عبدالعلي په حاجي افضل سیمه کې د کوڅو  کانګریټ چارې د کابل ښاروال مولوي عبدالرشید او د ودانیزو چارو او ښاري ترانسپورټ د مرستیال انجنیر زمرک عامر یاسر له لوري پیل شوې.

د باختر آژانس د خبر له مخې؛ دغه کوڅې څه باندې ۶ کیلو متره اوږدوالی او له ۳ – ۶ مترو پورې پراخوالی لري، چې د کابل ښاروالۍ له بودجې څخه د څه باندې ۳۱ میلیونه افغانۍ په لګښت په اساسي ډول رغول کېږي.

د دې کوڅو په کانګریټ کېدو سره به د اورښتونو په موسم کې د خټو او خاورو د شتون له امله د سیمې اوسېدونکو ستونزې حل او ترڅنګ به یې خلکو ته  ترانسپورټي آسانتیاوې هم رامنځته شي.

افغانمل

دوام

ورته لیکنې

دکمه بازگشت به بالا