کابل، د کب ۲۳مه، باختر
يو شمېرکورنيو او بهرنيو خبري سايټونو په خپلو ننيو خپرونو کې د سيمې او نړۍ د حالاتو ترڅنګ د افغانستان حالات هم څېړلي دي.
د باخترآژانس خبريال د دغوسايټونو خپرونو ته په کتنې سره دغه رپوټ چمتو کړى دى.
د اسپوتنيک خبري سايټ (د هند له خوا د اسلامي امارت د بهرنیو چارو وزارت کارکوونکو ته زده کړه) ترعنوان لاندې ليکلي دي.
په کابل کې د هند سفارت د اسلامي امارت د بهرنیو چارو وزارت کارکوونکو ته انلاین زده کړې پیلوي.
د طلوع نيوز خبري سايټ (په هېواد کې د طلاق د شمېر کمښت) ترعنوان لاندې ليکلي دي.
د افغانستان ستره محکمه په خوشبینۍ سره په هېواد کې د طلاق د کمښت خبره کوي او وایي په تېرو دریو میاشتو کې په ټول هېواد کې د طلاق یوازې ۴۰۰ قضیې ثبت شوي دي.
د سترې محکمې د ویاند مرستیال مولوي عنایت په دې اړه وویل: په تېرو دریو میاشتو کې د افغانستان اسلامي امارت په ټولو محکمو کې د طلاق ۴۰۰ قضیې ثبت شوي دي چې له دې جملې ۲۲۰ قضیو ته رسیدګي شوې، ۵۰ قضیې مستردې او پر پاتې نورو قضیو کار روان دی.
د افغان غږ (اوا) خبري سايټ (په تهران کې د افغانستان په سفارت کې د پاسپورټونو تمدیدولو بهیرله سره پیل شوی، په تهران کې د پاسپورت د نه تمدیدولو جریمه معاف شوې) ترعنوان لاندي ليکلي دي.
د افغان غږ (آوا) خبري سایټ تهران: په تهران کې د افغانستان سفارت جګپوړي د یپلومات مفتي محمد علیم نوراني له (آوا) خبري آژانس سره په مرکه کې وویل: د کب له ۲۰مې نیټې څخه د پاسپورټونو د تمدیدولو بهیر پیل شوی دی او د خوشحالۍ خبر دا چې د تېرو کلونو د پاسپورټونو د نه تمدیدولو جریمه هم معاف شوې ده.
ج \ ذ
