کابل باختر د وري دمياشتې ٦ :
دکابل دترافيکو دلوى مديريت خبرتيا !
د يوه ٤٠ کلن سړي مړى چې هويت يې نه دى تثبيت شوى تورخط داره سپورټي جامې ، توربوټان او نخودي جمپر يې په تن دى د١٣٩٥ کال دکب دمياشتې په ٣٠ نيټه د دشت برچي دتيلګراف په سړک کې دترافيکي پيښې له امله په حق رسيدلى دى او مړى يې دساتنې په مقصد دعدلي طب دخدمتونو رياست ته ليږدول شوى دى.
خپلوان يې کولاى شي مړى دعدلي طب له رياست څخه ترلاسه کړي او دزياتو معلوماتو په مقصد دې په دهمزنګ کې د کابل دترافيکو دلوى مديريت دپيښو دڅيړنې آمريت ته ورشي اويا دې له ٠٢٠٢٥٠٣٧١١ شميرې ټيلفون سره اړيکه ونيسي .
