کابل، د زمري ٣٠مه، باختر
سبا د افغانستان او پاکستان کرکټ ملي لوبډلو ترمنځ ړ دریو نړیوالو یو ورځنیو سیالیو لوبلړۍ پېلېږي.
د دغه لوبلړۍ لومړۍ لوبه به سبا د کابل پر وخت د ماسپښين دوه بجې د افغانستان په کوربه توب د سریلانکا په د همبنټوټا په «ماهېنډا راجاپاکسا نړیوال لوبغالي» کې ترسره شي.
د افغانستان کرکټ بورډ ویلي، چې افغان لوبډلې یادې سیالۍ ته پوره تمرینات کړي او د لوبې ګټلو په موخه به د سیالۍ ډګر ته ښکته کېږي.
ټاکل شوې د یادې لوبلړۍ دوهمه لوبه د روان میلادي کال د همدې (اګسټ) میاشتې په ٢٤ مه نېټه ترسره شي.
