کابل / د وږي ۲۲ مه / باختر
د روزګان د مرکز ترینکوټ ښار په ختیځ کې افغان ځواکونو پر وسله والو طالبانو برید وکړ چې په پايله کې شپږ طالبان ووژل شول.
ځايي چارواکي وايي چې وسله والو طالبانو پلان درلود چې د ترینکوټ په ختیځ کمربند برید وکړي، خو بریالي نه شول.
د روزګان د والي ویاند زړګی عبادي وايي چې په برید کې د یو ډلګي مشر په ګډون شپږ وسله وال طالبان وژل شوي دي.
د یو بل خبر له مخې:
د ترینکوټ په لوېدیځ کې یو بزګر ماشوم چې په خپل پټي کې یې کار کاوه، نامعلومو کسانو په ډزو وژلی دی.
پای/وصال
