په فاریاب کې د دوو قوماندانانو په ګډون د ۷ تنو ډار اچوونکو وژل کېدل

کابل باختر د کب د میاشتې ۱۴ مه
د فاریب ولایت د قیضار ولسوالۍ په ارکلیک سیمه کې د دوو تنو قوماندانانو په ګډون اووه تنه ډار اچوونکي وژل شوي او پنځه تنه نور ټپیان شوي دي.
د ۲۰۹ شاهین قول اردو څخه باختر اژانس ته په استول شوې خبرپاڼه کې ویل شوي دي چې، دغه ډار اچوونکي تېره ورځ د افغان هوايي ځواکونو له لوري د ترسره شویو بریدونو په ترڅ کې وژل شوي دي.پای/وصال