يوه ځوانه ښځه په دايکنډي کې ځان وژنه وکړه .

-کابل باختر د کب  دريمه :
يوه ځوانه ښځه په دايکنډي ولايت کې  په ځان وژنې لاس پورې کړه .
دغه ښځه چې  يوه کوچنۍ ماشوم ورڅخه پاتې دى پرون په ميرامور ولسوالۍ کې  په خپل کور کې  ځان زندى کړى دى .
درارسيدلو خبرونو له مخې ، دغه کورنۍ له بې وزلۍسره لاس او ګريوان وه او ددغې  ښځې ميړه هم  د کار لپاره  ايران ته تللى دى .
  ددايکنډي ولايت دښځو دچارو رييسې  ذکيې رضايي باختراژانس ته وويل  چې دغه ښځه  اته ويشت کلنه وه او دبې وزلۍ له امله يې  ځان وژلى دى .
  دوړاندې شويو شميرنو له مخې دروان کال له پيل څخه تراوسه پورې   په دايکنډي ولايت کې دښځو اونجونو د ځان وژنې شپيته پيښې  ثبتې شوې دي . چې داپه خپله ددغه ولايت په تاريخ کې بې سارى دى .
بې وزلي ، په ښځو د سختى سنتي فضا واکمن والي ، تاوتريخوالي ،  تيرى او جبري ودونه  په دايکنډي ولايت کې په ښځو دتاوتريخوالي  دزياتوالې  دکچې علتونه بلل کيږي .