دملي امنيت سلاکار اوملګري هيئت يې دقندهار دپيښې دټپيانو پوښتنه وکړه

-کابل باختر دمرغومي  درې ويشتمه :
دافغانستان دملي امنيت سلاکار محمد حنيف اتمر او ملګري هيئت يې نن  دقندهار دوالي  دميلمستون دپيښې دټپيانو پوښتنه وکړه .
  د ٢٠٥ اتل قول اردو مطبوعاتي دفتر باختراژانس ته وويل ،  دافغانستان دملي امنيت دسلاکار محمد حنيف اتمر په مشرۍ  لوړ رتبه پوځي هيئت ،  دستردرستيز ددرستيزوال  ډګر جنرال عبدالحميد حميد  دکابل ګارنيزيون دقوماندان ډګر جنرال عبدالرحمان رحمان ،  دقندهار  ولايت  امنيه قوماندان ډګر جنرال عبدالرازق اڅکزي ،  دجنوب زون دساحوي روغتون قوماندان بريد جنرال  ډاکتر سيد عظيم حسيني ، د ٢٠٥ اتل قول اردو  دپلې لوا  دقوماندان  بريد جنرال عبدالفتاح عزيزي ، د ٢٠٥ اتل قول اردو  مرستيال بريد جنرال سيد اقا صافى چې په سرکې يې د٢٠٥ اتل قول اردو قوماندان  تورنجنرال داودشاه وفادار  ورسره ملګري و ،  دقندهار  دوالي دميلمستون  د چاودنې دټپيانو او د جنوب زون  په ساحوي روغتون کې دبسترو ناروغانو پوښتنه وکړه .
  محمد حنيف اتمر  ددغې پيښې ټپيانو ته  دسملاسي روغتيا  دهيلې په ترڅ کې  دجنوب زون دساحوي روغتون د ډاکترانو  دهلوځلو له امله قدرداني وکړه . او له هغوى څخه يې وغوښتل چې دټپيانو  په درملنه کې له هيڅ راز هلوځلو څخه ډډه ونه کړي .