کابل، د زمري ۳۱مه، باختر
کورنیو چارو وزارت د کابل ښار څخه د درملنې په موخه په نشه يي توکړ د روږدو ۲۰۰ کسانو د راټولولو او روغتیايي مرکزونو ته د لېږدولو خبر ورکوي.
دغه وزارت په ټویټر(اېکس) پاڼه لیکلي، چې د کورنیو چارو وزارت د نشه یي توکو پر وړاندې د مبارزې معینیت منسوبینو د کابل ښار له څنډو ۲۰۰ په نشو روږدي کسان راټول کړي او د روږدو د درملنې روغتیایي مرکزونو ته یې لېږدولي دي.
د یادونې وړ ده، چې د اسلامي امارت له راتګ سره نه یوازې د نشه يي توکو پر کښت، پېر او پلور بندیز لګولی بلکې؛ ورسره هم مهاله په نشه يي توکو د روږدو کسانو درملنه هم پیل شوې ده.
