کابل، د سلواغې ۷، باختر
په افغانستان کې د اسلامي همکاریو نړېوال سازمان استازولۍ له سرې میاشتې ټولنې سره په همغږۍ او د ملک سلمان خیریه بنسټ په مالي ملاتړ د لوګر په مرکز کې پر ٦۰۰ اړمنو کورنیو د خوراکي توکو مرستې ووېشلې.
د افغاني سرې مياشتې وياند عرفان الله شرفزوی وايي چې په نننۍ مرسته کې د لوګر په مرکز پل علم ښار کې پر ٦۰۰ اړمنو کورنیو مرسته ووېشل شوه.
په یاده مرسته کې ٦۰۰ د خوراکي توکو بستې شاملې دي، چې هره بسته یې ۶۲ کیلو وزن لري.
د اسلامي همکاریو سازمان استازولۍ ویلي چې یاده مرسته به د افغانستان په ۲۵ ولایتونو کې د یوه کال په اوږدو کې ۴۷ زره ۴۰۰ کورنیو ته ووېشل شي.
سرچینې زیاته کړې چې په مرسته کې پر هرې کورنۍ ۴۰ کیلو اوړه، ۵ کیلو وریجې، ۵ کیلو لوبیا، ۵ کیلو بوره، ۵ لېټره غوړي او دوه کیلو خرما ووېشل شوه.
دا په داسې حال کې چې پرون هم په کابل کې یادې ټولنې پر ۴۵۰ اړمنو کورنیو مرسته وېشلې وه.
صديقي
