سیاستخبرونهټولنه

مولوي حیات الله میوند د شهیدانو او معلولینو چارو وزارت د سلاکار په توګه معرفي شو

کابل ، د غبرګولي ۸مه ، باختر
مولوي حیات الله میوند نن د یوې غونډې په ترڅ کې د شهیدانو او معلولینو چارو وزارت، د شهيدانو او معلولینو په چارو کې د سلاکار په توګه معرفي شو.
باختر آژانس ته په رارسېدلې خبرپاڼه کې ویل شوي چې په دې غونډه کې د شهیدانو او معلولینو چارو سرپرست وزیر ملا عبدالمجید آخوند، د برنامو او همغږۍ معین ملا عبدالرزاق آخوند، حمایوي او خدمتونو د وړاندې کولو معین شیخ عبدالحکیم حقاني او د دغه وزارت د مالي او اداري چارو عمومي رئیس مولوي کلیم الله افغان او د اړوندو څانګو رییسانو ګډون کړی و.
په همدې حال کې، د شهیدانو او معلولینو چارو سرپرست وزیر په خپلو خبرو کې د یاد وزارت د شهیدانو او معلولینو په چارو کې سلاکار ته په اړوندو چارو کې د بریالیتوب هیله وکړه او څرګنده يې کړه: هغه کسان چې د تقوا، پوهې او دیندارۍ پر اساس ګومارل کېږي، له شک پرته د چارو په ښه سمبالتیا کې ترینه ښه ګټه اخیستل کېږي.
همدارنګه په غونډه کې شیخ عبدالحکیم حقاني هم د مشورې پر ارزښت او مسوولیتونو خبرې وکړې او میوند ته یې په چارو کې د بریالیتوب هیله وکړه.
مولوي حیات الله میوند د ریاست الوزرا د حکم له مخې، د شهیدانو او معلولینو چارو وزارت په یاد بست کې ټاکل شوی دی چې نن یې په رسمي ډول کار پیل کړ.
وهاج

نمایش بیشتر

نوشته های مشابه

دکمه بازگشت به بالا