۲۸–کابل، د غوايي ۲۷ مه، باختر
د هلمند د کرنې، اوبولګولو او مالدارۍ ریاست مسوولین وايي چې په دغه ولایت کې پر ۳۰ زره بزګرانو د کیمیاوي سرو د وېش لړۍ پیل شوې ده.
د هلمند د کرنې، اوبولګولو او مالدارۍ ریاست مسوولینو د باختر آژآنس سیمه ییز خبریال ته وویل چې د ملګرو ملتونو د خوړو او کرنې ادارې «FAO»په مالي ملاتړ د دغه ولایت د مرکز په ګډون ناوې، نادعلي، ګرمسېر، نهرسراج، نوزاد، واشېر، موسی کلا، سنګین او کجکي ولسوالیو کې پر ۳۰ زره بزګرانو د کیمیاوي سرې د وېش لړۍ پیل شوې ده.
سرچینې زیاته کړه چې په دې مرسته کې هر بزګر ته ۵۰ کیلو ګرامه توره سره وېشل کېږي.
لمر
