کابل، د لېندۍ ۱۵ مه، باختر
د کندهار د فوټبال فدراسیون مسوولین وايي، چې په یاد ولایت کې د ۱۸ او ۱۹ کلونو ځوانانو ترمنځ د فوټبال ژمنۍ سیالۍ پیل شوې دي.
د کندهار د فوټبال فدراسیون اداري مسوول شاکرالله ابراهیمي د باخترآژانس خبریال ته وویل، چې دغه سیالۍ د ۱۸ او ۱۹ کلونو ځوانانو د فوټبال ټيمونو د غوراوي په موخه د ۲۶ الف لوبډلو ترمنځ پیل شوې دي.
نوموړی زیاتوي چې یادې سیالۍ به د ۲۶ الف لوبډلو ترمنځ شاوخوا ۲۶ ورځې دوام وکړي.
