کابل / د کب لومړۍ / باختر
پنځلس وسله وال طالبان پرون په قندهار کې ووژل شول.
د ٢٠۵ اتل قول اردو د يوې خبرپاڼې په خپرولو سره ويلي دي چې د هېواد امنيتي او دفاعي ځواکونو د هوايي ځواکونو په ملاتړ د قندهار د ارغنداب او ژيړۍ ولسوالیو په مربوطاتو کې پر وسله والو طالبانو بریدونه وکړل چې په پايله کې ١۵وسله وال طالبان ووژل شول او ۹ نور یې ټپيان شول او د دښمن وسلې او مهمات هم له منځه يووړل شول.
دغه راز پوځيانو د ارغنداب ولسوالۍ په ګڼ مېشتو لارو کې د وسله والو طالبانو ١٧ ماينونه چې پر ملکيانو د بريدونو په موخه ځاى پرځاى کړي وو، کشف او شنډ کړل.
پاى \ ذ