په فارياب کې د وسله والو طالبانو په غونډې هوايي بريد وشو .

-کابل / دزمري ٢٨مه /باختر:
په فارياب کې  د وسله والو طالبانو د ډلې  درې قوماندانان  د هېواد د هوايي ځواکونو په بريد کې ووژل شول .
په قيصار کې  د طالبانو  د سرې قطعې مسوول  ملا ذبيح الله مجاهد ،  په فارياب کې  د وسله والو طالبانو د استخباراتو مرستيال ملا ناصر فاريابي او د لس کسيزې ډلې قوماندان ملا عبدالوهاب  په دې هوايي بريد کې دطالبانو د ډلې وژل شوي قوماندانان دي .
د رارسيدلو خبرونوله مخې؛  دغه وسله وال طالبان  د قيصار ولسوالۍ په مربوطاتو کې په خپل پټنځي کې د نويو ډار اچوونکو برېدونو د طرحه کولولپاره  راټول شوي و .
  د هېواد په شمال کې د شاهين قول اردو  د يوې خبرپاڼې په خپرولوسره ويلي دي  چې د هېواد د هوايي ځواکونو  په بريد کې د وسله والو طالبانو درې قوماندانان ووژل شول  او دوه تنه نور يې ټپيان شول .
دغه قول اردو تاييدوي  چې د هېواد  هوايي ځواکونو  د وسله والو طالبانو په يوې غونډې بريد کړى دى .
وسله والوطالبانوتراوسه پورې په دې باب څه نه دي ويلي .
  ختم_ج –اکرم