په پکتیکا کې پنځه تنه وسله وال طالبان وژل شوي

ښرنه باختر  د مرغومې ۱۰ مه
بې پیلوټه الوتکې د پکتیکا ولایت په برمل  ولسوالۍ کې پر وسله وال طالبانو برید کړی، چې  په  کې  پنځه تنه طالبان وژل شوي دي.
پکتیکا کې د ملي اردو د دویمې پلې لوا قوماندان رحم دل حیدرزي باختر اژانس ته وویل چې،  دغه برید تېر مازيګر بې پیلوټه الوتکې ترسره کړی دی.
د رحم دل په خبره د همدې ولايت په زېړوک کې یې د چاڼیزو عملیاتو پرمهال له وسله والو طالبانوڅخه یو شمېر وسلې هم نیولې او عملیات لا هم دوام لري.پای/وصال