کابل باختر دوري يوولسمه :
دننګرهار ولايت په مربوطاتو کې پرون دامنيتي ځواکونو دعملياتوپه بهير کې درې ديرش تنه ډار اچوونکي ووژل شول ، شپږ تنه ټپيان او دوه ويشت تنه نور يې ونيول شول .
د٢٠١سيلاب قول اردو مطبوعاتي دفتر باختراژانس ته خبرورکړ دغه عمليات دکوماندو او ٠٢ځانګړي قطعاتو له خوا دننګرهار ولايت دخوږيانيواو دکوز کونړ په ولسواليو کې ترسره شول .
په وژل شويو کسانو کې دطالبانو کليدي افراد دچپرهار ولسوالۍ لپاره دطالبانو نومول شوى ولسوال په عادل مشهور ذاکر الله دپچير او اګام دولسوالۍ لپاره دطالبانو نومول شوى ولسوال په حاجي برکت مشهور ګدا محمد او په ننګرهار ولايت کې دطالبانو پوځي مسوول کاکانام دمولوي نيک محمد ورور هم شامل دي .
