کابل، د زمري ۲۹ مه، باختر
د پروان ولایت په جبل السراج ولسوالۍ کې د مهماتو یوه زېرمه کشف او ضبط شوې ده.
د یاد ولایت د دویمې لوا د مطبوعاتو او عامه اړیکو آمریت باخترآژانس ته په یوه رالېږل شوې خبرپاڼه کې ویلي، چې پرون د یادې لوا امنیتي او دفاعي ځواکونو د یاد ولایت د جبل السراج ولسوالۍ د مټک پله په سیمه کې د مهماتو یوه زېرمه کشف او ضبط کړې ده.
د یادونې وړده، چې له یادې زېرمې څخه د سرګلولې په ګډون د بي ام یک ۱۴۰ ګولۍ کشف او ترلاسه کړې دي.
