کابل، د کب ۵ مه، باختر
د پنجشېر د شخړو د حل کمېتې د ځمکې پرسر د یوې قومې شخړې د پایته رسولو خبر ورکړی دی.
د پنجشېر د شخړو د حل کمېټې رییس محمد رها ابرار د باخترآژانس خبریال ته وویل چې دغه ۷ کلنه شخړه د یاد ولایت په لومړۍ برخې ولسوالۍ کې د ولایت مرستیال ملا شاه ملنګ روح الله، دیني عالمانو، قومي مشرانو او یو شمېر سیمه ییزو مسوولینو په شتون په دوستۍ بدله شوه.
په ورته وخت کې د قضیې دواړو لوریو د پنجشېرد شخړو د حل کمېټې له پرېکړې خوښي وښودله او د خپلې دوستۍ د دوام په اړه یې ډاډ ورکړ.
د یادونې وړده، چې د قومونو ترمنځ دا دویمه پېښه ده چې د یاد ولایت د شخړو د حل کمېټې له لوري په دوستۍ بدلېږي.
