کابل، د غوايي ۱۳مه، باختر
د بادغیس د صنعت او سوداګری آمریت مسوولین وايي، چې په یاد ولایت کې ۳ ټنه تاریخ تېره خوراکي او غیر خوراکي توکي سوځول شوي دي.
د دغه ولایت د صنعت او سوداګری آمر مولوي جلال الدین حقاني د باخترآژانس خبریال ته وویل، چې د دغه ولایت له مرکز قلعه نو بېلابېلو سیمو څخه تاریخ تېره خوراکي او غیر خوراکي توکي راټول او وسوځول شول.
د نوموړي په وینا، تل یې هڅه کړې چې له پلورنځیو څخه تاریخ تېره توکي راټول کړي او له پلورونکو سره به قانوني چلند وشي.
جهانیار
