٤٠-کابل باختر دليندي دري ويشتمه
دلوګر ولايت دخوشي او څرخ په ولسواليو کې د څلورو ښوونځيو ته دنويو ودانيو دجوړولو کار پاى ته ورسيد .
دلوګر ولايت دپوهنې رييس عبدالمتين جعفر دباختر اطلاعاتي اژانس ته وويل، دغه ودانۍ دپوهنې وزارت دظرفيت دلوړولو دپروګرام له لارې د لسو مليونو افغانيو په لګښت جوړي شوي دي .
دخبرځاى دڅرګندونو له مخې، ددغو ودانيو دجوړولو دکار په بشپړيدو سره دريو زرو تنو زده کوونکو ته دزده کړې مناسبه زمينه برابره شوې ده .
دعبدالمتين دڅرګندونو له مخې، په روان کال کې دلوګر ولايت په مرکز او ولسواليو کې نهه ويشتو ښوونځيو ته نوى ودانۍ جوړې شوي دي .
ددغو ودانيو دپرانستلو په مراسمو کې دلوګر ولايت مرستيال شجاع الدين شجاع ، دخوشي ولسوال بسم الله خوشي وال ، دولايتي شورا رييس ډاکتر عبدالولي احمدزي او دخوشي او څرخ دولسواليو دشوراګانو غړو ګډون کړي و .
دلوګر ولايت دپوهنې درييس دڅرګندونو له مخې همدا اوس د لوګر ولايت په کچه يو زرو څلويښت زره نجونې او هلکان په دوه سوه دوه ويشتو ښوونځيو کې په زده کړه بوخت دي چې څلويښت زره يې نجونې دي .