کابل – باختر د زمري دمياشتې ٢٦
په پنجشير ولايت کې داتو کيلومترو په اوږدوالي فرعي سړک دکريړ اچولو او ترميمولو کار نن پيل شو.
دغه سړک چې ٨ متره سور لري؛ له عنابه ولسوالۍڅخه د دغې ولسوالۍ د فراخ تر سيمې پورې ترميم او کريړ پرې اچول کيږي.
دپنجشير دفوايد عامې د ادارې رييس حشمت الله حکيمي دباختر آژانس خبريال ته وويل : په دغه سړک دفوايد عامې وزارت له خوا داته ديرشو ميلونو افغانيو په لګښت کريړ اچول کيږي او ټاکل شوې ده چې تر راتلوونکو څو مياشتو پورې بشپړ شي.
حکيمي زياته کړه : ددغه سړک په تګلورى اووه پلکي هم په پاخه ډول جوړيږي.
مخکې له دې دعنابه ولسوالۍ يو شمېر اوسيدونکو ددغه سړک دخرابوالي له امله څو ځلې ددغه ولايت سيمه ييزو مقاماتو ته شکايت کړى و اود دغه سړک دترميمولو او کريړ اچولو غوښتنه يې کړې وه.
