کابل، د سلواغې ۱۸مه، باختر
د بغلان د بدني روزنې او سپورت آمریت مسوولین وايي، چې د دغه ولایت په ډنډ شهاب الدین سیمه کې د ۸ لوبډلو ترمنځ د والیبال سیالۍ ترسره شوې.
د دغه ولایت د بدني روزنې او سپورت آمر قاري محمد امیر امیري د باختر آژانس سیمه ییز خبریال ته وویل، چې دغه سیالۍ د ۸ لوبډلو ترمڼځ په ډنډ شهاب الدين سيمه کې ترسره شوې، چې موخه یې د بغلان ټیم لپاره د غوره څېرو د پېژندل وو.
ورته مهال د یاد ولایت د اطلاعاتو او فرهنګ رئيس مولوي اسدالله مصطفى هاشمي وویل، چې جګړې د دې لامل شوې وې، چې د دې هېواد ځوانان له زده کړو او ورزش څخه بې برخې پاتې شي، خو له نېکه مرغه نن ورځ په جګړه ځپلې سیمې کې د سپورتي سیالیو شاهدان یو.
لمر
