خبرونهروغتیا

په بغلان کې د کرونا ویروس مثبتې پېښې راکمې شوې دي

 کابل، د لېندۍ ۲۰مه، باختر

د بغلان د عامې روغتیا ریاست مسؤلین وايي، چې په دې وروستیو کې په دغه ولایت کې د کرونا ویروس پېښې په بېساري ډول راکمې شوې دي؛ خو ټينګار کوي چې خلک دې خپل وقایوي تدابیر په پام کې ونیسي او د روغتیا پالانو لارښونې دې عملي کړي.

د بغلان د عامې روغتیا ریاست مرستیال نیازمحمد اکاخېل د باختر آژانس سیمه ییز خبریال ته وویل، چې په تېره اوونۍ کې ۶۴ کسانو د دغه ولایت روغتیايي مرکزونو ته مراجعه کړې، چې له منځه یې د ۴ کسانو پایلې مثبتې او د ۶۰ نورو پایلې منفي راوتلې دي.

اکاخېل زیاته کړه، چې په روان میلادي کال کې ۸ زره کسانو په دې ولایت کې د کرونا وایرس ځانګړو شویو روغتیايي مرکزونو ته مراجعه کړې، چې د ۱۱۰۰ کسانو پایلې یې مثبتې راوتلې دي.

اندړوال\ لمر

دوام

ورته لیکنې

دکمه بازگشت به بالا