په تخار کې ٧ تنه د جنايي جرمونو په تور ونیول شول

کابل، د غبرګولي ۵مه، باختر
د تخار د امنیې قومندانۍ مسوولين وايي، چې تېرو ٢٤ ساعتونو کې د دغه ولایت په مرکز تالقانو ښار کې ٧ تنه د جنايي جرمونو په تور نیول شوي دي.
د یاد ولایت د امنیې قومندانۍ ویاند مبین صافي باختر آژانس ته وویل، چې دغه کسان د غلا، نشه يي توکو د پلور او اخلاقي فساد په تور نیول شوي دي.
صافي زیاته کړه، چې د نیول شويو کسانو دوسیې به له لومړیو څېړونو وروسته عدلي او قضايي ارګانونو ته وسپارل شي.
لمر