کابل باختر د چنګاښ دويمه :
د دولس کلنو ځوانانو د فوټبال سيالۍ نن په هرات ښار کې په دوو لوبو سره دوام مومي .
د هرات ولايت د ورزشي آمريت مرستيال ضياالحق ضيا د باختر آژانس خبريال ته وويل چې په دې پړاوکې د هرات باستان ټيم د انصاري له ټيم سره او د پيمان ټيم د نوايي له ټيم سره لوبې کوي .
د ضيا دڅرګندونوله مخې: د دولس کلنو ځوانانو د فوټبال سيالۍ دوه ورځې مخکې د دولسو ټيمونو په ګډون په هرات کې پيل شوې دي چې هر مازيګر دوام مومي او په پرونيو لوبوکې د آرش ټيم د صفر په وړاندې په يوې سره د اتفاق ټيم ته ماتې ورکړ او د جامي او آريانا ټيمونو لوبه په دوو دوو ګولونوسره برابره پاى ته ورسوله.
