کابل، د زمري ۱۷مه، باختر
د خوست او بامیانو امنیتي مسوولینو په یادو ولایتونو کې د بېلابېلو جنايي جرمونو په تور د ۱۶ کسانو د نیولو خبر ورکړی دی.
د خوست امنیې قوماندانۍ ویلي، چې په تېرو ۲۴ ساعتو کې د دغه ولایت د دویمې حوزې په مربوطاتو کې ۷ تنه د غلا او ۳ تنه نور د ځورونې په تور نیول شوي دي.
په ورته وخت کې د بامیانو د امنیې قوماندانۍ ویاند محمد خواني رسا وايي، چې د یاد ولایت په مرکز کې شپږ تنه د موټرو د غلا په تور نیول شوي دي.
د یادونې وړ ده، چې د نیول شویو کسانو دوسیې له څېړنو وروسته عدلي او قضایي ارګانونو ته سپارل کېږي.
