کابل باختر د غبرګولي شپږمه :
د کندز والي پرون له غرمې وروسته له هغو ماشومانو سره چې پلرونه يې شهيدان شوي دي؛ وکتل او د هغوى د ساتنې ډاډ يې ورکړ .
د باختر آژانس د خبريال دخبرله مخې: دغه ماشومان د بې وزلو ماشومانو د روزنې په مرکزونوکې تر روزنې لاندې دي .
د ماشومانو د ښوونې او روزنې دمرکز مسوول ذبيح الله مجددي وويل چې ددغو ماشومانو پلرونه له وسله والو طالبانوسره په جګړو کې شهيدان شوي دي .
مجيدي زياته کړه: دکندز والي له دغو ماشومانو سره دکتنې په وخت کې ډاډ ورکړ چې ددغه مرکز ناروغ ماشومان په خپل شخصي لګښت تداوي کوي .
ده زياته کړه: د کندز والي دغه راز يو هيئت توظيف کړ چې له دغو ماشومانو ستونزو په اساسي ډول وڅيړي او د هغوى ستونزې حل کړي .
په دې روزنيز مرکز کې يوسلو شل تنه بې وزلي ماشومان چې د امنيتي ځواکونو د شهيدانو بچيان هم پکې شامل دي؛ تر روزنې لاندې دي .
ختم- ج _ اکرم
