په دایکنډي کې د ۵ پروژو چارې پیل شوې

کابل، د وږي ۹ مه، باختر

د دایکنډي ولایت د اقتصاد ریاست مسوولین، په دغه ولایت کې د ۵ ټولګټو پروژو د پیل کېدو خبر ورکوي.

د دایکنډي د اقتصاد ریاست د انجوګانو مدیر استاد عظیمي د باخترآژانس خبریال ته وویل، چې د دغه ولایت په مرکز او اشترلي ولسوالۍ کې د ۵ ټولګټو پروژې چارې د (یو. ان. ډي. پي) موسسې په مالي ملاتړ د څه د پآسه ۱۱ میلیونو افغانیو په لګښت پیل شوې دي.

د یادونې وړ ده، چې د یادو پروژو په پیلېدو سره لسګونه کسانو ته د کار زمینه برابره شوې ده.