کابل باختر د لړم دمياشتي اتمه :
دوه تنه وسله وال طابان پرون په لغمان ولايت کې د ذوالفقار- ١٢ په نامه دملي اردو دځواکونو د چاڼيزو عملياتو په بهيرکې ووژل شول .
د ذوالفقار- ١٢ عمليات د وسله والو مخالفينو له شتون څخه دلغمان ولايت د نا امنو سيمو د پاکولو په مقصد ددغه ولايت دباد پخ په ساحه کې ترسره شوي و .
دکورنيوچارو وزارت مطبوعاتي دفتر باخترآژانس ته خبرورکړ: ددغوعملياتو په بهيرکې دوه تنه وسله وال طالبان ووژل شول او دوه تنه نور يې ټپيان شول .
دغه راز يوه اندازه سپکې او درندې وسلې هم ترلاسه شوې دي .
ديوبل خبر له مخې: دملي دفاع وزارت د ځانګړو قطعاتو د منسوبينو د امنيتي فعاليتونو په بهيرکې چې د قندهار ولايت د ميوندولسوالۍ په مربوطاتوکې ترسره شول؛ يو وسله وال مخالف ونيول شو او مخابراتي وسايل او يوه اندازه سپکې وسلې هم ترلاسه شوې.
