خبرونهټولنه

په زابل او پکتیا کې لسګونه تنه له دیني مدرسو څخه فارغ شول

کابل، د مرغومې ۱۲مه، باختر

په زابل او پکتیا کې ۱۸۴ کسان له دیني مدرسو فارغ او د فضیلت پګړۍ یې وتړلې.

د باختر آژانس د خبر له مخې؛ د زابل په مرکز کلات ښار کې د شمس المدارس له دیني مدرسې څخه د قرائت، حفظ، تجویدالقران، لويي او وړې دورې او د مفتیتوب درجې زده کړو څخه ۱۶۰ تنه فارغ او د ویاړ پګړۍ ور پر سر کړل شوې.

د یو بل خبر له مخې؛ د پکتيا ۲۰۳ منصوري قول اردو اړوند دوهمې سرحدي لوا فتح العلوم مدرسې څخه ۲۴ تنه مجاهدين له ديني زده کړو وروسته فارغ او د ځانګړو مراسمو په ترڅ کې د وړې دورې فضيلت پګړۍ ور وتړل شوې.

په همدې مناسبت جوړو شویو مراسمو کې د ۲۰۳ منصوري قول اردو د عقيدتي چارو مدير مولوي نورالله وويل، چې د قول اردو اړوندې ټولو لواګانو کې د ملي دفاع وزارت په لارښوونه ديني مدرسې جوړې شوي دي او تر وړې دورې پورې مجاهدينو ته ديني زده کړې په کې ورکول کېږي.

لمر

دوام

ورته لیکنې

دکمه بازگشت به بالا