کابل، د وري ۱۲مه، باختر
د زابل د امنیې قومندانۍ مسوولین وايي، چې د دغه ولایت د سره غره سرخوګانو سیمه کې د ناوچاوده توکو د چاودنې له امله د دریو ماشومانو په ګډون څلورو کسانو ته مرګ ژوبله اوښتې ده.
د دغه ولایت د امنیې قومندانۍ ویاند قاري ذبیح الله جوهر باختر آژانس ته وویل، چې دغه چاودنه د سره غره سرخوګانو په سیمه کې د کوچینانو په یوه تراکتور د پخواني ماین د چاودنې له امله رامنځته شوې، چې په کې یو کس مړ او درې ماشومان ټپیان شوي دي.
جوهر زیاته کړه، چې د پېښې ټپیان د شاجوی ولسوالۍ روغتیایي مرکز ته لېږدول شوي دي.
لمر
