کابل، د غوایي ۲۷مه، باختر
د زابل د بدني روزنې او سپورټ آمریت مسوولین وایي چې د دغه ولایت په شاجوی ولسوالۍ کې د واليبال ۱۰ورځنۍ پیل شوې سیالۍ د چینو لوبډلې په اتلولۍ پاى ته ورسېدې.
د یاد ولایت د بدني روزنې او سپورټ آمر استاد احمد غلامي د باختر آژانس سیمه ییز خبریال ته وویل، چې د واليبال فدراسيون له لوري شاجوی ولسوالۍ اړوند چینو کلي کې د واليبال لوبې ۱۰ورځې وړاندې د ۱۰ لوبډلو ترمنځ پيل شوې وې، چې د چینو والیبال لوبډلې په اتلولۍ پاى ته ورسيدې.
غلامي زیاته کړه، چې په پای کې ګټونکې لوبډلې او غوره لوبغاړو ته، ستاینلیکونه او ورزشي توکي هم ورکړل شول.
ص
