کابل، د وږی ۲مه، باختر
د زابل د شهیدانو او معلولینو چارو ریاست چارواکي وایي چې په دغه ولایت کې کومک موسسې پر ۳۱ جنګ ځپلو کورنیو مرسته وېشلې ده.
د مرستو د وېش پر مهال د زابل د شهیدانو او معلولینو چارو رئیس مولوي دانش باختر آژانس ته وویل، چې نن ورځ یې د کومک موسسې په همکارۍ پر ۳۱ کورنیو د ۴۵ زرو افغانیو په ارزښت خوراکي او غیر خوراکي توکي ووېشل شول.
دا په داسې حال کې ده چې ورستیو جنګونو، او سېلابونو خلګ سخت ځپلي دي.
صدیقي
