کابل، د غبرګولي ۳مه، باختر
د ټولګټو وزارت په یوې خبرپاڼې کې راغلي چې، تېره شپه د جنوبي سالنګ په اولنګ سیمه کې د موټر چلوونکي د بې احتیاطۍ له امله یو مسافر وړونکی موټر له ټېلر سره ټکر شوی، چې له امله یې یوه مېرمن مړه او دوه نور ټپيان شوي دي.
له پېښې سره هم مهاله د سالنګونو د ساتنې او څارنې پرسونل سیمې ته ځان رسولی او ټپیان یې د تداوي په موخه نږدې روغتیایي مرکز ته لېږدولي دي.
د ټولګټو وزارت، له ټولو موټر چلوونکو څخه په ټینګه غواړي، چې له دا ډول پېښو څخه د مخنیوي په پار؛ د سالنګ په شمول د هېواد له ټولو لویو لارو کې پوره احتیاط څخه کار واخلي، ترافیکي قوانین مراعت او لارښوونې دې په پام کې ونیسي.
د یادونې وړ ده، نن ورځ په سالنګونو کې هوا ورېځ ده او یاده لویه لاره د ترافیکي وسایطو د تګ راتګ پرمخ پرانیستې ده،
اندړوال،ص
