خبرونهاقتصادټولنه

په سمنګانو کې سېلاوونو د سيمې اوسېدونکو ته درانه مالي زيانونه اړولي دي

کابل / د غوايي ۱۴ مه / باختر

په سمنګانو کې د سېلاوونو له امله د استوګنې يو شمېر کورونه ويجاړ او سلګونه جريبه کرنيزه ځمکه ويجاړه شوې ده.

د سمنګانو له طبیعي پېښو سره د چمتووالي ریاست د پېښو او خطرونو د کموالي رییس عبدالقدوس لطیف د باختر اژانس خبریال ته وویل، چې د سختو اورښتونو له امله سېلاوونو لسګونه کورونه او سلګونه جریبه کرنیزې ځمکې ویجاړې کړې دي.

هغه زیاته کړه، د سمنګانو ولایت د رهبرۍ په لارښوونه یې یو پلاوی موظف کړی چې زيانمنې شوې کورنۍ تثبيت او راپور يې د ولايت مقام ته ورکړي.

د یوبل خبرله مخې؛ په بغلان کې ځايي سرچينې وايي، چې د دغه ولايت په دهنه غوري ولسوالۍ کې سېلاوونو ډېر ځاني او مالي زيانونه اړولي دي.

د باختر آژانس د خبريال د خبرله مخې؛ د بغلان په دهنه غوري ولسوالۍ کې پرون سېلاوونو څلور تنه وژلي او يو شمېر کورونه يې ویجاړکړي دي. ع

دوام

ورته لیکنې

دکمه بازگشت به بالا