کابل باختر د سلواغې نهه ويشتمه :؛
په سرپل ولايت کې يوسلو اووه شپيته کورنيو مرسته ترلاسه کړه .
په دغو مرستو کې خوراک او پوښاک توکي شامل دي چې بې ځايه شويوکورنيو ته د مرستې رسولو د دفترونو له خوا وويشل شول .
د سرپل د مهاجرينو او راستنولو چارو ريېس عبدالاحد د باختراژانس خبريال ته وويل چې ،دغه کورنۍ د ناامنيو له امله دصياد ، سوزمه قلعه او دسانچارک له ولسواليو د سرپل مرکز ته بې ځايه شوې دي .
خبرځاى زياته کړه په هرې کورنۍ سل کيلوګرامه اوړه ، اووه کيلو غوړي ، يوه اندازه وريجې ، لوبيا ، بوره او څوارلس زره نغدي افغانۍ ووېشل شوې.
د سرپل د مهاجرينو او راستنولو چارو رييس وويل چې، په اوس وخت کې څه دپاسه درې زره کورنۍ د دغه ولايت له ناامنو ولسواليو څخه د سرپل مرکز ته راغلې دي او په بد اقتصادي حالت کې دي . ختم_ سعيده _ اکرم
