کابل باختر د مرغومي دمياشتې ١٨ :
په غزني ولايت کې دوه تنه ماشومان د ماين په چاودنه کې ووژل شول او څلور تنه نور ټپيان شول.
دغه چاودنه پرون د ده يک په ولسوالۍ کې هغه وخت رامنځته شوه چې د ملکي وګړو د سپرلۍ موټر په ښخ کړى شوي ماين وخوت .
دغزني ولايت وياند شفيق ننګ دباخترآژانس خبريال ته وويل: په دې پيښه کې دوه تنه ماشومان ووژل شول او څلور تنه نور ملکي وګړي ټپيان شول.
ده وسله وال طالبان ددغه ماين د ښخولو مسوول وبلل او ويې ويل چې د دغې پيښې د عاملينو د پيژندنې او نيولو لپاره هلې ځلې پيل شوې دي.
تر اوسه پورې هيچا يا کومې ډلې د دغې پيښې مسووليت په غاړه نه دى اخيستى.