خبرونهفرهنګټولنه

په غزني کې د مسلمانانو لومړنی جومات بیا ځل رغول کېږي

کابل، د زمري ۱۳ مه، باختر

په غزني کې د اطلاعاتو او فرهنګ رئیس مولوي حبیب الله مجاهد وايي، چې په دغه ولایت کې د مسلمانانو د لومړني جومات ځینې برخې، چې د ړنګېدو له ګواښ سره مخ دي، د رغونې په موخه یې د سروې چارې پيل شوې.

ښاغلی مجاهد وايي، چې یاد جومات د اسلامي امارت له بودجې رغول کېږي.

په غزني کې د مسلمانانو لومړنی جومات چې د غزني په زاړه ښار کې موقعیت لري او د مسلمانانو د درېیم خلیفه حضرت عثمان (رض) په وخت کې کله چې غزني د صحابه کرامو په لاس فتح شو یاد جومات جوړ شو او ۱۴۰۰ کاله تاریخي مخینه لري. دغه جومات د غزني ولایت له تاریخي آبدو څخه هم ګڼل کېږي.

س.صدیقي

دوام

ورته لیکنې

دکمه بازگشت به بالا