کابل، د وږي ۲ مه، باختر
د ظرفیت لوړولو درې ورځنی سیمینار د غزني پولیسو لپاره جوړ شوی و، چې پرون پای ته ورسېد.
د باختر آژانس د سیمه ییز خبریال د خبر له مخې، په دې سیمینار کې د غزني ښار د امنیتي حوزو آمرینو او د پولیسو یو شمېر قوماندانانو ګډون کړی و.
د غزني د امنیې قوماندانۍ د منسوبینو د ظرفیتونو لوړولو سیمینار د جوړولو هدف د امنیه قوماندانۍ د پولیسو مسلکي کېدل بلل شوي دي.
په دې سیمینار کې د غزني امنیې قوماندانۍ منسوبینو ته له خلکو سره د چلند، د پوستو جوړولو او د اداري اصولو په اړه لوست ورکړل شو.
د سیمینار په پای کې د غزني د امنیې قوماندانۍ د امنیت آمر مولوي نصرت الله خادم پر فارغانو د فراغت سندونه ووېشل.
ع
