خبرونهTOPښوونه او روزنه

په غزني کې د څه باندې ۸ میلیونو افغانیو په لګښت د ۱۰ ښوونځیو ودانۍ بیا ورغول شوې

 کابل، د مرغومې ۱۰مه، باختر

د غزني سیمه ییز مسوولین وایي، چې په دغه ولایت کې د ۱۰ ښوونځیو ودانۍ د یونیسف موسسې په مالي ملاتړ  د ۸ میلیونو ۳۹۱ زره ۸۷۵ افغانیو په لګښت بیا ورغول شوې.

د غزني سیمه ییزو مسوولینو د باختر آژانس سیمه ییز خبریال ته وویل، چې  د ښوونځیو یادې ودانۍ د دغه ولایت په اندړو، قره باغ، ده یک، خوګياڼي، واغظ، خواجه عمري، مقر، آب بند او ګېلان ولسوالیو کې بیا رغول شوې، چې ۸ میلیونه ۳۹۱ زره ۸۷۵ افغانۍ لګښت پرې راغلی دی.

د یادونې وړ ده، چې د دغو ښوونځيو د ودانیو چارې د روان کال د لړم په ۲۸ مه پیل او نن ګټې اخیستنې ته وسپارل شوې.

ص

دوام

ورته لیکنې

دکمه بازگشت به بالا