خبرونهټولنه

په غزني کې په ترافيکي پېښه کې څلور تنو ته مرګ ژوبله اوښتې ده

کابل، د چنګاښ ۲۷ مه، باختر

د غزني د ده یک ولسوالۍ په خشک کلي کې په یوه ترافيکي پېښه کې دوه تنه مړه شوي او دوه نور ټپيان شوي دي.

د غزني له امنیې قوماندانۍ څخه په خپره شوې خبرپاڼه کې ویل شوي چې یاده پېښه د یو پاسو او موټرسایکل تر منځ رامنځته شوې، چې له امله یې یو زوی او مور مړه شوي او یوه ښځه او یو نارینه ټپیان شوي دي.

سرچینه زیاتوي چې ټپیان د درملني په موخه د غزني ولایت حوزوي روغتون ته انتقال شوي دي.

د ترافیکي پېښې لامل د موټر چلوونکي بې احتیاطي ښودل شوې ده.

س.صدیقي

دوام

ورته لیکنې

دکمه بازگشت به بالا