کابل باختردمرغومې دمياشتې ١٢ :
دنميروز ولايت دجيل دنوې ودانۍ د جوړولو کار پرون پيل شو.
د نيمروز والي باخترآژانس ته وويل : د جيل دنوي ودانۍ په جوړيدو سره به دبنديانو د ساتنې ستونزې چې په يوه محدود ځاى شپې سباکوي لرې شي .
يوه اړونده خبرځاى زياته کړه ؛ د نيمروزولايت دجيل ودانۍ د ديرش زره متره مربع ځمکې په ساحه کې په دوو پوړونو کې په پاخه او اساسي ډول جوړيږي.
ده زياته کړه ؛ دغه ودانۍ به دکورنيو چارو وزارت له بودجې څخه دڅه دپاسه ٩٦مليونو افغانيو په لګښت په دوو کلونو کې بشپړه شي .
دنيمروزولايت امنيه قوماندان مل پاسوال غلام جيلاني ابوبکر وايي ؛ په دې پروژه کې د انګړديوالونه ، څلور دوه پوړيز برجونه ،. دسرتيرو لپاره يو بلاک ،. اداري برخه ، روغتيايي کلينيک ، دښځو لپاره پخلنځى ، توقيف خونه او داوبو رسولو او کاناليزاسيون په پام کې نيول شوي دي.
دنيمروز دجيل يو تن مسوول وويل ؛ اوسنى جيل دطالبانو د حکومت په وخت کې دپنځوسو تنو دساتنې لپاره جوړ شوى و ، او اوس څه دپاسه پنځه سوه تنه په دې جيل کې شپې سباکوي.
خبرځاى زياته کړه ؛ د بنديانو په خونو سربيره دپايوازانو لپاره هم په دې ودانۍ کې يو مناسب ځاى په پام کې نيول شوى دى.
0 1 دقیقه لوستل