کابل باختر د مرغومي شپاړلسمه :
امريکايي مقاماتو اعلام کړى دى چې په هلمند کې ددغه هېواد دريو تنو پوځيانو ته مرګ ژوبله اوښتې ده .
دامريکا ددفاع ووزارت وياند پيترکوک ويلي دي چې په هلمند ولايت کې امريکايي پوځيانو ته ددندې دترسره کولو په بهير کې مرګ ژوبله اوښتې ده .
دامريکا ددفاع وزارت وياند زياته کړې ده چې ددوى يوه سرتيري دسختو ټپونو له امله سا ورکړه او دوه تنه نور يې ټپيان دي .
دغو پوځيانو ته هغه وخت مرګ ژوبله واوښته چې دهلمند ولايت په مارجه کې افغان سرتيرو ته په عملياتو کې دسلامشورې ورکولو ، مرستې او دتعليمي ماموريت په بهير کې و .
ښاغلي کوک دامريکايي پوځيانو دسر د زيان په باب دخپلو خبرو په بهير کې ويلي دي چې افغان پوځيان دعملياتو په بهير کې په شاتګ نه کوي او سيمه دښمن ته نه پريږدي .
