کابل، د وږي ۱۸ مه، باختر
په فراه کې د ۱۴۰۲ لمریز کال د کانکور اول نمره د ستاینې په پار پرتمینه غونډه ترسره شوه.
حافظ محمود منصوري چې د هېواد په کچه يې د کانکور په ملي ازموینه کې تر ټولو لوړه نمره اخیستې د یاد ولایت د سیمه ییزو چارواکو، سپین ږیرو مخورو او ځوانانو له خوا وستایل شو.
په دغه غونډه کې د فراه ولایت د اطلاعاتو او کلتور رئیس محمد عبدالحي سباوون، محمود منصوري ته د بریا تر څنګ وویل چې ځوانان د هېواد ستره سرمایه ده او له دوی څخه خپلې مرستې ونه سپموي.
د یادونې وړ ده، چې د غونډې په پای کې حافظ محمود منصوري ته یوشمېر ډالۍ هم ورکړل شوې.
